May 2024

*இந்த திசையில் துடைப்பத்தை வைத்தால் தான் வீட்டில் செல்வம் தங்குமாம்*                                        தெற்கு மற்றும் மேற்கு இடையே துடைப்பம் வைப்பது மிகவும் பொருத்தமானதாக கருதப்படுகிறது. அதே போல, துடைப்பத்தை செங்குத்தாக நிற்க வைக்க கூடாது என்கிறார். துடைப்பத்தை எப்போதும் படுத்தவாறு வைக்க வேண்டும். துடைப்பத்தை முகம் எப்போதும் கிழக்கு நோக்கி வைப்பது அதிக பலன்களைத் தரும். இந்து மதப்படி துடைப்பம் லட்சுமி தேவியின் சின்னம் என்று கூறப்படுகிறது. உங்கள் வாழ்க்கை நிலைக்கும் வீட்டில் நீங்கள் துடைப்பத்தை வைக்கும் திசைக்கும் நெருங்கிய தொடர்பு உள்ளதாக கூறப்படுகிறது. எனவே, துடைப்பத்தை வாஸ்துப்படி சரியான திசையில் வைக்க வேண்டியது அவசியம். ஏனென்றால், நீங்கள் செய்யும் ஒரு சிறிய தவறு, பெரிய சேதத்தை ஏற்படுத்தும். வாஸ்துவின் இந்த விதிகளை பின்பற்றினால், நீங்கள் சந்திக்க இருக்கும் பிரச்சனைகளில்இருந்து பாதுகாக்கப்படுவீர்கள். *துடைப்பம் வைக்க சிறந்த திசை எது* ? :                                                     வீட்டில் வைக்கும் பொருட்கள் அனைத்தையும் திசை பார்த்து வைக்க வேண்டியது அவசியம். அதே போல துடைப்பத்தையும் சரியான திசை பார்த்து வைக்க வேண்டியது அவசியம். துடைப்பத்தை பராமரிப்பதில் சிறப்பு கவனம் செலுத்துமாறு கூறப்படுகிறது. வீட்டில் ஈசானிய மூலை, அக்னி மூலை, நிருதி மூலை மற்றும் குபேர மூலை என நான்கு திசைகள் உள்ளன. ஆனால்,                                                                 *தெற்கு மற்றும் மேற்கு*                                                இடையே துடைப்பத்தை வைப்பது மிகவும் பொருத்தமானதாக கருதப்படுகிறது. அதே போல, துடைப்பத்தை செங்குத்தாளாக நிற்க வைக்க கூடாது. துடைப்பத்தை எப்போதும் *படுத்தவாறு* வைக்க வேண்டும். துடைப்பத்தை முகம் எப்போதும் *கிழக்கு நோக்கி வைப்பது அதிக பலன்களைத் தரும்* . *வீட்டை துடைப்பத்தால் சுத்தம் செய்ய உகந்த நேரம் எது* ? :                                         நம்மில் பலர் சுத்தத்தை அதிகம் விரும்புபவராக இருப்போம். அதனால், வீட்டை அடிக்கடி துடைப்பத்தால் பெருக்கி, துடைத்துக்கொண்டே இருப்போம். அப்படி செய்வது தவறு என கூறப்படுகிறது. அப்படி செய்வதால், நிறைய சேதத்தை ஏற்படுத்தும். வீட்டை சுத்தம் செய்வதற்கு சரியான நேரம் காலை மற்றும் மாலை ஆகும். முதலில் காலையில் எழுந்ததும், வீட்டை துடைப்பதற்கு முன், முதலில் இறைவனை வணங்க வேண்டும். இதன் பிறகு வீட்டை துடைக்கவும். *துடைப்பத்தை பயன்படுத்துவதற்கான திசை எது* ? :                                                       வீட்டை நீங்கள் சுத்தம் செய்யும் போது, முதலில் மேற்கு அல்லது வடக்கு திசையில் இருந்து துடைக்கத் தொடங்குங்கள். இதனால், உங்கள் வீட்டில் லட்சுமி தங்குவதோடு, லட்சுமியின் அருள் உங்களுக்கு முழுமையாக கிடைக்கும். அதே சமயம், துடைத்த பின், அழுக்கு குப்பைகளை குப்பை தொட்டியில் போட வேண்டும். குப்பைகளை ஆங்காங்கே குவித்து வைத்தால், உங்களின் வறுமையும் கஷ்டங்களும் அதிகரித்துக் கொண்டே போகும். *வீட்டில் உள்ளவர்கள் வெளியேறிய உடனே வீட்டை துடைக்கக் கூடாது* :   தங்கள் வீட்டில் உள்ள உறுப்பினர்கள் வெளியே வந்தவுடன் வீட்டை துடைப்பார்கள், இப்படி செய்யாதீர்கள். வீட்டில் உள்ளவர்கள் வீட்டை விட்டு வெளியே வந்தால், உடனே துடைக்கக் கூடாது. இது உங்கள் வேலையில் வெற்றியை பாதிக்கும். *துடைப்பம் வாங்க சிறந்த நாள் எது* ? :                                                                 புதிய துடைப்பம் வாங்க  சனிக்கிழமை வாங்குவது நல்ல பலன்களை கொடுக்கும். வியாழன் மற்றும் வெள்ளிக்கிழமைகளில் விளக்குமாறு வாங்க வேண்டாம். துடைப்பம் சிறியதாக இருந்தால், அதை விரைவில் மாற்றவும் பல நன்மைகள் கிடைக்கும். 🧹🪮  🧹🪮  🧹🪮

கடகம் ராசி அன்பர்களே..!! 2024 – புத்தாண்டு பலன்கள் – கடகம் அனைவரிடத்திலும் அன்பு மனதுடன் செயல்படும் கடக ராசி அன்பர்களே..! உடல் தோற்றத்தில் சில மாற்றங்கள் ஏற்படும். இனம்புரியாத சில சிந்தனைகளால் தூக்கமின்மை ஏற்படும். குடும்பத்தினருடன் புதுவிதமான இடங்களுக்குச் சென்று வருவீர்கள். உடன்பிறந்தவர்கள் இடத்தில் அனுசரித்து நடந்து கொள்ளவும். தடையான சில விஷயங்களால் ஆதாயம் ஏற்படும். விதண்டாவாத பேச்சுக்களைக் குறைத்துக் கொள்ளவும். எதிர்பாராத சில உதவிகள் மூலம் மாற்றம் உண்டாகும். பயணம் சார்ந்த விஷயங்களில் அனுபவம் ஏற்படும். கடன் சார்ந்த பிரச்சனைகள் குறையும்.

சகோதரர்கள் வழியில் விவேகத்துடன் செயல்படவும்.

வாகனங்களை விருப்பத்திற்கு ஏற்றவாறு மாற்றி அமைப்பீர்கள்.

திறமைக்கேற்ப மதிப்பு மேம்படும்.

எதிலும் உணர்ச்சிவசப்படாமல் பொறுமையுடன் செயல்படவும்.
தம்பதியர்களுக்கிடையே ஒற்றுமை அதிகரிக்கும்.

பொழுதுபோக்கு விஷயங்களால் ஆதாயம் அடைவீர்கள்.

வெளிவட்டாரத்தில் செல்வாக்கு உயரும்.

உடல் ஆரோக்கியத்தில் இருந்துவந்த சிக்கல் குறையும்.

மனதளவில் புதிய தன்னம்பிக்கை உண்டாகும்.

நீண்ட நேரம் ஒரே நிலையில் இருப்பதைக் குறைத்துக் கொள்ளவும்.

குரலின் தன்மையில் சில மாற்றங்கள் நேரிடலாம்.

முழங்கால் வலி, இடுப்பு வலி போன்றவை ஏற்படலாம்.

அதிகமாக காய்கறிகள், பழங்கள், தானியங்களை உணவில் சேர்த்துக் கொள்ளவும்.

மாவு வகையான உணவுகள் மற்றும் குளிர்ச்சியான உணவுகளைக் குறைத்துக் கொள்ளவும்.

பெண்கள்
ஆசைகளால் புதிய அனுபவமும், சில முடிவுகளை எடுப்பதற்கான சூழலும் உண்டாகும்.

தந்தை வழியில் சில மாற்றமான சூழ்நிலைகள் அமையும்.

கடன் நிமிர்த்தமான செயல்களில் சிந்தித்துச் செயல்படவும்.

வாழ்க்கைத் துணைவர் வழியில் ஏற்ற, இறக்கமான சூழல் உண்டாகும்.

பூர்வீக சொத்துக்களால் சில விரயங்கள் ஏற்படும். உணர்ச்சிவசமான சிந்தனைகளைக் குறைத்துக் கொள்ளவும். குழந்தைகளின் வழியில் சுபச்செயல்களை முன்னின்று செய்வதற்கான வாய்ப்புகள் ஏற்படும். அரசு சார்ந்த செயல்பாடுகளில் அலைச்சல்கள் உண்டாகும். உறவுகளின் எண்ணங்களைப் புரிந்து கொள்வீர்கள். மாணவர்கள் கல்வியில் இருந்துவந்த சிக்கல்கள் குறையும். மேல்நிலை கல்வியில் முயற்சிக்கு ஏற்ப நல்ல மதிப்பெண்கள் கிடைக்கும். உயர் கல்வி தொடர்பான விஷயங்களில் நன்கு சிந்தித்து முடிவெடுப்பது நல்லது. மறைமுகமான திறமைகளை வெளிப்படுத்துவதற்கான வாய்ப்புகள் அமையும். நண்பர்களைப் பற்றிய புரிதல் மேம்படும். விளையாட்டு விஷயங்களில் ஆர்வம் அதிகரிக்கும். அரசு வழியில் எதிர்பார்த்த சில உதவிகள் கிடைக்கும். உத்தியோகஸ்தர்கள் பணிபுரியும் இடத்தில் இருந்துவந்த நெருக்கடிகள் விலகிச் செல்வதற்கான சூழ்நிலைகள் அமையும். பணி சார்ந்த முதலீடுகளில் சிந்தித்துச் செயல்படவும். ஊதிய உயர்வு மற்றும் உயர் அதிகாரிகளின் ஒத்துழைப்பு கிடைக்கும். கடன் தவணைகளை முடிந்தளவு குறைத்துக் கொள்ளவும். வழக்குகள் தொடர்பான செயல்பாடுகளில் சாதகமான சூழல் ஏற்படும். தவறிய சில முக்கிய ஆவணங்கள் மீண்டும் கிடைக்கும். வியாபாரிகள் வியாபார ஸ்தலங்களை விருத்தி செய்வதற்கான சூழ்நிலைகள் அமையும். விவசாய மற்றும் உணவு சார்ந்த பணிகளில் மேன்மை உண்டாகும். வெளியாட்களை பற்றிய புரிதல் மேம்படும். பயனற்ற செலவுகளைக் கட்டுப்படுத்துவீர்கள். மனை மற்றும் பத்திரம் சார்ந்த பிரிவுகளில் ஆலோசனை பெற்று கொடுக்கல், வாங்கலை மேற்கொள்ளவும். புதிய வியாபாரம் சார்ந்த சிந்தனைகள் மேம்படும். இணைய வர்த்தக முதலீடுகளைக் குறைத்துக் கொள்ளவும். கூட்டாளிகளின் வழியில் அனுசரித்து நடந்து கொள்ளவும். மனை கொடுக்கல், வாங்கல் பணிகளில் இருப்பவர்களுக்கு முன்னேற்றம் உண்டாகும்.

கலைஞர்கள் கலை சார்ந்த துறைகளில் காலத்திற்கு ஏற்ப புதிய வாய்ப்புகள் கிடைக்கும். எழுத்து மற்றும் ஓவியம் சார்ந்த துறைகளில் இருக்கக்கூடியவர்களுக்கு முன்னேற்றம் உண்டாகும். நாட்டியம் சார்ந்த துறைகளில் இருப்பவர்களுக்கு மதிப்பு மேம்படும். தற்காப்புக் கலை சார்ந்த கலைஞர்களுக்கு மாறுபட்ட அனுபவமும், சூழலும் அமையும். மறைமுகமான சில போட்டிகளை வெற்றி கொள்வீர்கள். அரசியல்வாதிகளின் செயல்பாடுகளில் சில மாற்றங்கள் ஏற்படும். தொகுதி மக்களிடத்தில் பாகுபாடின்றி செயல்படுவீர்கள். மனதளவில் இருந்துவந்த பேராசை படிப்படியாகக் குறையும். கட்சியில் எதிர்பார்த்த சில பொறுப்புகள் காலதாமதமாக கிடைக்கும். எதிராகச் செயல்பட்டவர்கள் விலகிச் செல்வதற்கான காலகட்டம் உண்டாகும். எதிர்காலம் குறித்த சிந்தனைகள் மனதளவில் மேம்படும். பேச்சுக்களில் கனிவும், உங்கள் மீதான நம்பிக்கையும் அதிகரிக்கும். வழிபாடு : சனிக்கிழமைதோறும் நல்லெண்ணெய் தீபம் ஏற்றி ஆஞ்சநேயரை வழிபட வரவுகளில் இருந்துவந்த தடைகள் மற்றும் குடும்பத்தில் இருந்துவந்த கருத்து வேறுபாடுகள் மறையும். குறிப்பு : இங்கே கூறப்பட்டுள்ள அனைத்து சுப மற்றும் அசுப பலன்கள் யாவும் அவரவர்களுக்கு நடைபெறுகின்ற தசாபுத்திக்கேற்ப கிடைக்கும்.

மிதுனம் ராசி அன்பர்களே..!! 2024 – புத்தாண்டு பலன்கள் – மிதுனம் எதிலும் புத்திசாலித்தனமாகச் செயல்படும் மிதுன ராசி அன்பர்களே..! செயல்பாடுகளில் துரிதம் ஏற்படும். உடன்பிறந்தவர்கள் ஆதரவாக இருப்பார்கள். பழகும் தன்மைகளில் சில மாற்றங்கள் ஏற்படும். சிக்கலான பிரச்சனைகள் குறையும். ஆடம்பரமான செலவுகளைக் குறைத்துக் கொள்வீர்கள். தனம் சார்ந்த விஷயங்களில் விவேகத்துடன் செயல்படவும். நீண்ட நாள் ஆசைகளில் இருந்துவந்த தடைகள் விலகும். வியாபாரம் நிமிர்த்தமான முயற்சிகள் கைகூடும். தனவரவுகள் சாதகமாக அமையும். ஏற்றுமதி மற்றும் இறக்குமதி சார்ந்த வியாபாரத்தில் ஆதாயம் அடைவீர்கள். தம்பதிகளுக்குள் ஒற்றுமை மேம்படும். தந்தை வழியில் இருந்துவந்த கருத்து வேறுபாடுகள் குறையும். ஆராய்ச்சி திட்டங்களில் புதிய அனுபவம் ஏற்படும். நிலையான வருமானத்திற்குத் தேவையான ஏற்பாடுகளை மேற்கொள்வீர்கள். மனதிற்கு நெருக்கமானவர்களின் தேவைகளை நிறைவேற்றுவீர்கள். எரிவாயு சார்ந்த தொழிலில் முன்னேற்றம் உண்டாகும். புதிய வீடு மற்றும் மனை வாங்குவதற்கான கடன் உதவிகள் சாதகமாகும். விவசாயப் பணிகளில் ஆலோசனை பெற்று புதிய பயிர்களை பயிரிடவும்.

உத்தியோக பணிகளில் சில மாற்றங்கள் உண்டாகும். காப்பீடு துறைகளில் இருப்பவர்களுக்கு புதிய அறிமுகம் அதிகரிக்கும். உடல் ஆரோக்கியம் கண் பார்வை தொடர்பான பிரச்சனைகள் குறையும். தாயாரின் உடல் ஆரோக்கியத்தில் கவனம் வேண்டும். சூரிய ஒளியில் சிறு நேரமாவது நடைப்பயிற்சி மேற்கொள்ளவும். செய்யும் செயல்களில் பதற்றமின்றி செயல்படவும். இயற்கையான அழகு சாதன பொருட்களைப் பயன்படுத்துவது நல்லது. பழுப்பு அரிசி, சாக்லேட், காலிஃபிளவர் மற்றும் பாதாம் போன்றவற்றை உணவில் சேர்த்துக் கொள்ளவும். காலம் தவறி உணவு உண்பதைக் குறைத்துக் கொள்வது நல்லது. பெண்கள் கனிவான பேச்சுக்களின் மூலம் நீண்ட நாள் பிரச்னைகளுக்கு தீர்வு காண்பீர்கள். குடும்ப உறுப்பினர்களிடம் இருந்துவந்த கருத்து வேறுபாடுகள் நீங்கி ஒற்றுமை அதிகரிக்கும். நேரம் தவறிய பயணத்தைக் குறைத்துக் கொள்ளவும். தம்பதிகளுக்குள் ஒற்றுமை பிறக்கும். சிறு சிறு விஷயங்களைப் பெரிது படுத்தாமல் இருக்கவும். சக ஊழியர்களிடத்தில் இடைவெளியை கடைபிடிப்பது நல்லது. வாகனப் பயணத்தில் சரியான கோப்புகளை கையாளவும். பிடித்த உடைகள் மற்றும் பொருட்களை வாங்கி மகிழ்வீர்கள். மாணவர்களுக்கு கல்விப் பணியில் ஒருவிதமான ஆர்வமின்மை ஏற்படும். விளையாட்டுகளில் சகிப்புத் தன்மையுடன் செயல்படவும். வஞ்சனையான முயற்சிகளைத் தவிர்க்கவும். தந்தையிடம் மனம் விட்டுப் பேசுவது புரிதலை ஏற்படுத்தும்.

முயற்சிகளை அதிகப்படுத்துவதன் மூலம் உயர்கல்வியில் எண்ணியவை ஈடேறும். பாடங்களை ஒன்றுக்கு இரண்டு முறை படிப்பது நல்லது. வேலை நிமிர்த்தமான சிந்தனைகள் மனதில் மேம்படும். உத்தியோகஸ்தர்கள் கணிப்பொறி சார்ந்த தொழிலில் இருப்பவர்களுக்கு முன்னேற்றமான வாய்ப்புகள் கிடைக்கும். செலவுகளின் தன்மைகளை அறிந்து மேற்கொள்வீர்கள். உயர் அதிகாரிகளைக் குறித்த கருத்துகளை வெளியிடுவதில் சிந்தித்துச் செயல்படவும். பணிபுரியும் இடத்தில் முயற்சிக்கு ஏற்ப புதிய பொறுப்புகள் கிடைக்கும். கல்வி தொடர்பான பணிகளில் இருப்பவர்கள் சூழ்நிலை அறிந்து செயல்படுவது நல்லது. நண்பர்களின் ஆலோசனைகளில் உண்மை நிலை அறிந்து முடிவுகளை எடுக்கவும். நீண்ட நாள் சேமிப்புகளிலிருந்து மகிழ்ச்சியான செய்திகள் கிடைக்கும். வியாபாரிகள் தொழில் சார்ந்த முயற்சிகளில் உழைப்பு மேம்படும். நடைமுறைக்கு ஏற்ப தொழிலில் மாற்றம் செய்வது சார்ந்த சிந்தனைகள் மேம்படும். தனவரவுகள் சாதகமாக இருக்கும். பேராசையின்றி கிடைப்பதை வைத்து மனத்திருப்தி அடையவும். திட்டமிட்ட இலக்குகளை அடைவதில் உழைப்பும், தாமதமும் உண்டாகும். நாகரிகமான பேச்சுக்கள் வாடிக்கையாளர்களின் எண்ணிக்கையை மேம்படுத்தும். மளிகைக் கடை வியாபாரத்தில் லாபம் மேம்படும். பிரச்சாரம் செய்தல் போன்றவற்றால் அனுகூலமும், அனுபவமும் கிடைக்கும். கூட்டு வியாபாரத்தில் புரிதலும், ஒத்துழைப்பும் மேம்படும். இன்சூரன்ஸ் துறைகளால் ஆதாயம் ஏற்படும். கலைத் துறைகளில் இருப்பவர்களுக்கு எதிர்பாராத பயணங்களின் மூலம் புதுவிதமான அனுபவம் உண்டாகும்.

உங்கள் மீது இருந்த சிறு சிறு கிசுகிசுக்கள் மறையும். எளிமையான பழக்கவழக்கம் உங்கள் மீதான நம்பிக்கையை மேம்படுத்தும். வரைகலை துறைகளில் மாறுபட்ட அனுபவம் உண்டாகும். எழுத்து துறைகளில் உண்மை கருத்துகளை சூழ்நிலைக்கு ஏற்ப வெளிப்படுத்துவது நல்லது. ஆடை வடிவமைப்பு துறைகளில் இருப்பவர்களுக்குப் போட்டிகள் அதிகரிக்கும். அரசியல்வாதிகளுக்கு செல்வாக்கு அதிகரிக்கும். வழக்கு சார்ந்த விஷயங்களில் சாதகமான முடிவு கிடைக்கும். கட்சி தோழர்களிடம் உண்மையுடன் இருக்கவும். எதிர்பாராத சில பயணங்களின் மூலம் விரயம் உண்டாகும். உயர் அதிகாரிகளிடத்தில் பொறுமை வேண்டும். எதிர்ப்புகளின் மூலம் ஏற்பட்டிருந்த தடைகள் விலகும். பேச்சுக்களில் இருக்கும் உறுதி செயல்களில் இருந்தால், பலதரப்பட்ட ஆதரவு கிடைக்கும். வழிபாடு : புதன்கிழமைதோறும் லட்சுமி நரசிம்மரை வழிபட உடல் ஆரோக்கியமும், உறவுகள் வழியில் ஒத்துழைப்பும் உண்டாகும். குறிப்பு : இங்கே கூறப்பட்டுள்ள அனைத்து சுப மற்றும் அசுப பலன்கள் யாவும் அவரவர்களுக்கு நடைபெறுகின்ற தசாபுத்திக்கேற்ப கிடைக்கும்.

ரிஷபம் ராசி அன்பர்களே..!! 2024 – புத்தாண்டு பலன்கள் – ரிஷபம் எதிலும் பொறுப்புடனும், அன்புடனும் செயல்படும் ரிஷப ராசி அன்பர்களே..! திட்டமிட்டுச் செயல்பட்டு எண்ணியதை நிறைவேற்றிக் கொள்வீர்கள். சுபகாரியம் தொடர்பான எண்ணங்கள் ஈடேறும். மனதிற்கு மகிழ்ச்சியான செய்திகள் கிடைக்கும். கணவன், மனைவிக்கிடையே மனம் விட்டுப் பேசுவது நல்லது. குடும்ப உறுப்பினர்களிடத்தில் அனுசரித்துச் செல்லவும். புதிய முயற்சிகளில் மாறுபட்ட அனுபவம் ஏற்படும். எதிர்பாராத சில பயணங்களால் சோர்வு உண்டாகும். திடீர் செலவுகளால் சேமிப்பு குறையும். வர்த்தக துறைகளில் எதிர்பாராத வாய்ப்புகள் கிடைக்கும். தனம் சார்ந்த விஷயங்களில் விவேகத்துடன் செயல்படவும். வாகன மாற்றம் சார்ந்த முயற்சிகள் கைகூடும். போட்டி, பந்தயங்களில் வெற்றி கிடைக்கும். கூட்டுத் தொழிலில் விவேகத்துடன் செயல்படவும். பிரிந்து சென்றவர்கள் விரும்பி வருவார்கள். நீண்ட நாள் பிரார்த்தனைகளை நிறைவேற்றுவீர்கள். குணநலன்களில் மாற்றம் ஏற்படும். கல்லூரி பணிகளில் இருப்பவர்களுக்கு மதிப்பு அதிகரிக்கும். நுட்பமான சில விஷயங்களைத் தெளிவாகப் புரிந்து கொள்வீர்கள். உடல் ஆரோக்கியம் சார்ந்த செயல்களில் கவனம் வேண்டும். கொழுப்பு சார்ந்த உணவுகளைக் குறைத்துக் கொள்ளவும். தினமும் மூச்சுப் பயிற்சிகள் செய்வது நன்மையைத் தரும். சிந்தனையின் போக்கில் கவனம் வேண்டும். இறை சார்ந்த சிந்தனைகளை வளர்த்துக் கொள்வது மனதிற்கு அமைதியையும், புத்துணர்ச்சியையும் தரும். நீண்ட நேரம் கண்விழிப்பதைக் குறைத்துக் கொள்ளவும். பெண்கள் மனதில் எதையும் சமாளிக்க முடியும் என்ற தைரியமும், தன்னம்பிக்கையும் பிறக்கும்.உடன்பிறந்தவர்களை பற்றிய புரிதல் மேம்படும். விருப்பமான சில ஆசைகளால் மனதளவில் புதிய அனுபவம் ஏற்படும். கணவன், மனைவிக்கிடையே விட்டுக்கொடுத்துச் செல்லவும். பாகப் பிரிவினை சார்ந்த சிந்தனைகள் மேம்படும். சூழ்நிலை அறிந்து கருத்துகளைப் பகிரவும். எழுத்து சார்ந்த துறைகளில் இருப்பவர்களுக்கு முன்னேற்றமான சூழ்நிலை அமையும். மாணவர்களுக்கு புதிய மாற்றங்களின் மூலம் மதிப்பெண்களும், புரிதலும் அதிகரிக்கும். ஆராய்ச்சி தொடர்பான சிந்தனைகள் மேம்படும்.ஆசிரியர்களுக்கு மதிப்பளித்துச் செயல்படவும். உயர் கல்வியில் இருந்துவந்த தடைகள் விலகும். குடும்பத்தில் போட்டி மனப்பான்மையைக் குறைத்துக் கொள்ளவும். கவர்ச்சியான விஷயங்களில் மனதினை செலுத்தாமல் இருக்கவும். உத்தியோகப் பணிகளில் சக ஊழியர்களின் ஆதரவு கிடைக்கும். புதிய தொழில்நுட்பத் துறைகளில் புதிய வேலைவாய்ப்புகள் கிடைக்கும். பணிபுரியும் இடத்தில் இருந்துவந்த சில ஆர்வமின்மையான சூழல் மறையும். சீருடை பணிகளில் இருப்பவர்கள் மற்றவர்களுக்கு மதிப்பளித்துச் செயல்படுவது நல்லது. நுட்பமான பேச்சுக்களின் மூலம் மதிப்பு மேம்படும்.உத்தியோகத்தில் செய்யும் முயற்சிகளுக்கு உண்டான பலன்கள் சிறு அனுபவத்திற்குப் பின்பு கிடைக்கும். வெளியூர் மற்றும் வெளிநாடு தொடர்பான வேலைவாய்ப்புகள் அமையும். வியாபாரத்தில் முன்னேற்றமான சூழல் அமையும். முயற்சிகளை அதிகப்படுத்துவதன் மூலம் லாபம் அதிகரிக்கும். மனசாட்சியின் அடிப்படையில் வியாபாரத்தை நடத்தவும். கைபேசி மற்றும் புதிய தொழில்நுட்பம் சார்ந்த பொருட்கள் மீதான முதலீடுகள் மேம்படும். நீண்ட நாட்களாக தடைபட்ட சில ஒப்பந்த வியாபாரங்கள் கைகூடும். கனிம வளம் சார்ந்த துறைகளில் இருப்பவர்களுக்கு சாதகமான சூழ்நிலைகள் ஏற்படும். கலைத்துறையில் இருப்பவர்கள் திறமைகளை வெளிப்படுத்தி பாராட்டுகளைப் பெறுவீர்கள். வித்தியமான குரல் பயிற்சிகளில் ஆர்வம் ஏற்படும். சமூகம் மீதான கண்ணோட்டத்தில் மாற்றம் உண்டாகும். அரசு வகையில் மதிப்பும், மரியாதையும் மேம்படும். இசைத் துறைகளில் சில நுட்பமான விஷயங்களைப் புரிந்து கொள்வீர்கள். ஓவியம் மற்றும் இலக்கியம் சார்ந்த பணிகளில் தனித்திறமைகளை வெளிப்படுத்துவீர்கள். அரசியல்வாதிகள் சமூகம் தொடர்பான பணிகளில் இருப்பவர்களுக்கு ஆதாயம் மேம்படும். நுட்பமான சில சிந்தனைகளின் மூலம் விருப்பமானதை நிறைவேற்றி கொள்வீர்கள். குடும்பத்தில் ஏற்ற, இறக்கமான சூழல் உண்டாகும். சஞ்சலமான சிந்தனைகள் மனதில் மேம்படும். குதர்க்கமான விவாத சிந்தனைகளைக் குறைத்துக் கொள்வது நல்லது.எதிர்பார்த்திருந்த சில புதிய பொறுப்புகள் கிடைக்கும். வழக்கு தொடர்பான விஷயங்களில் எதிர்பார்த்த முடிவு கிடைக்கும். வெள்ளிக்கிழமைதோறும் மகாலட்சுமியை வழிபட சிந்தனைகளில் தெளிவும், மனதளவில் புத்துணர்ச்சியும் உண்டாகும். குறிப்பு : இங்கே கூறப்பட்டுள்ள அனைத்து சுப மற்றும் அசுப பலன்கள் யாவும் அவரவர்களுக்கு நடைபெறுகின்ற தசாபுத்திக்கேற்ப கிடைக்கும்.